المشكلة
Body Romantic متجر عطور وبودي كير في سلطنة عُمان على Shopify. من أكتوبر 2025 لحد يوليو 2026 كان واقف عند حوالي 40 أوردر في الشهر، والعائد المدمج على صرف ميتا في يوليو كان 1.92. ديسكربشنز كتير من المنتجات كانت بالإنجليزي، وصفحات المنتج مش مبنية عشان تبيع لعميل عُماني بيشتري بالعربي.
اللي عملناه
- Rebuild كامل للستور على ثيم Kalles بواجهة عربية RTL، وترجمة ديسكربشنز المنتجات للعربي
- البوكسات والهدايا بقت فوق في الهوم، وشريط شحن مجاني من 10 ريال، وقسم «بيتشتروا مع بعض» في 81 صفحة منتج بمنطق عائلات الروايح
- لاندنج بيدج مستقلة لأكتر بوكس بيتباع
- ستاتيكس جديدة على ميتا مبنية على الباندل («تلاتة بـ3 ريال») بدل سعر القطعة الواحدة، وتيست كل كرييتف في أدست لوحده
- سكيل على مراحل وقص الأوديانسات اللي ماشتغلتش (الاهتمامات الباردة) بسرعة
النتيجة
في سبتمبر 2026 المتجر عمل 618 أوردر بدل متوسط 40 في الشهر قبل كده — حوالي 15 ضعف — والإيراد حوالي 9 أضعاف متوسط الشهور العشرة اللي قبلها. صرف ميتا اتضاعف حوالي 8 مرات، ومع ذلك العائد المدمج (إيراد شوبيفاي ÷ صرف ميتا) طلع من 1.92 في يوليو لـ 3.06 في سبتمبر. متوسط القطع في الأوردر من 2.5 لـ 3.95.
الدرس
الإعلان الكسبان كان «اشتري أكتر ووفّر» مش «سعر القطعة»، و75% من أوردرات أحسن يوم كان فيها 3 قطع أو أكتر. ولما رفعنا الميزانية والأوديانسات والكرييتف مرة واحدة في ليلة، تكلفة الأوردر زادت لأكتر من الضعف في يوم — فبقينا نكبّر خطوة خطوة.
الأرقام من لوحة تحكم متجر Body Romantic ومانجرز الإعلانات، والاسم منشور بموافقة البراند.
عندك متجر بيبيع وعايز يكبر؟
نبص سوا على أرقامك ونقولك فين الفلوس بتضيع وفين أقرب فرصة نمو — بتقرير تقدر تنفّذه بنفسك.
أو كلّمنا على طول: 0100 702 4701