تصميم صفحة هبوط (Landing Page) — صفحة متبنية عشان تبيع
صفحة الهبوط (Landing Page) صفحة واحدة لمنتج واحد وعرض واحد، الزائر جاي لها من إعلان ومفيش قدامه غير قرار واحد: يطلب. صدوق بتصمّم صفحات هبوط على Shopify مبنية على الأسئلة اللي في دماغ الزائر: هيحل مشكلتي؟ يستاهل سعره؟ أثق فيكم؟ لو مجاش كويس هعمل إيه؟ — وفي الآخر فورم أوردر مباشر من غير كارت ولا خطوات زيادة.
إمتى تحتاج صفحة هبوط بدل صفحة المنتج العادية
- لما بتبيع منتج بطل واحد بإعلانات، ومحتاج الزائر مايتشتّتش في باقي المتجر.
- لما المنتج محتاج شرح أو إثبات (قبل وبعد، طريقة استخدام، ريفيوهات) أكتر من صورة وسعر.
- لما بتختبر أوفر أو زاوية جديدة في الإعلان، ومحتاج صفحة بنفس الرسالة بالظبط.
- لما أغلب أوردراتك دفع عند الاستلام، والفورم المباشر أسرع من الكارت والشيك آوت.
صفحة الهبوط اللي بنبنيها فيها إيه
- فوق الفولد: نفس وعد الإعلان بالظبط — الزائر لازم يحس إنه وصل للمكان الصح في أول ثانيتين.
- المشكلة والحل: المنتج بيحل إيه، بكلام العميل مش بكلام الكتالوج.
- الإثبات: ريفيوهات حقيقية، صور استخدام، وأرقام لو موجودة.
- الأوفر: باندل أو هدية بدل خصم بيكسر السعر — البيع بالأوفر مش بالخصم.
- الاعتراضات: الشحن، الاستبدال، المقاسات، المدة — كل سؤال بيوقف الأوردر ليه رد في الصفحة.
- فورم الأوردر: مباشر في الصفحة للدفع عند الاستلام، أو دفع أونلاين بخطوة واحدة.
ليه «صفحة هبوط مجانية» أو جاهزة غالباً بتكلّفك أكتر
القالب الجاهز بيحل مشكلة الشكل. المشكلة الحقيقية إن كل جنيه بتصرفه على الإعلان بيقع على الصفحة دي — لو بتحوّل 1٪ بدل 2٪، إنت بتدفع ضعف تكلفة الأوردر من غير ما تاخد بالك.
عشان كده بنقيس الصفحة بعد الإطلاق: نسبة التحويل، الأوردرات المفقودة، ونسبة التسليم — ونعدّل على الأرقام مش على الذوق. متجر شلنا منه الكارت وحطينا فورم مباشر وصل لتحويل 3.14٪ بزيارات أقل.
أسئلة شائعة
سعر تصميم صفحة هبوط كام؟
بيتحدد حسب المطلوب: صفحة لمنتج واحد ولا كذا منتج، محتاجة تصوير وكتابة كوبي ولا المحتوى جاهز، ولو هتتبني على متجرك الحالي ولا متجر جديد. ابعتلنا المنتج واللينك ونرد عليك بالسعر.
إيه الفرق بين صفحة الهبوط والمتجر الإلكتروني؟
المتجر فيه كل المنتجات والزائر بيلف فيه. صفحة الهبوط لمنتج واحد وعرض واحد وزرار واحد — معمولة للزائر الجاي من إعلان. أغلب البراندات بتحتاج الاتنين: متجر للبراند، وصفحات هبوط للمنتجات اللي عليها إعلانات.
بتصمموا صفحة الهبوط على أنهي منصة؟
أساساً على Shopify، كصفحة منتج مخصّصة جوه متجرك عشان الأوردرات والمخزون يفضلوا في مكان واحد. لو متجرك على منصة تانية ابعت اللينك ونقولك ينفع ولا لأ.
صفحة الهبوط بتحتاج فورم أوردر ولا كارت عادي؟
في مصر ومع الدفع عند الاستلام، الفورم المباشر غالباً أحسن لأن خطوات أقل = أوردرات مفقودة أقل. في الخليج والدفع الأونلاين أعلى، بنختار حسب سلوك العميل.
بتكتبوا الكوبي والمحتوى؟
أيوه. الكوبي والترتيب جزء من الصفحة مش إضافة — بنكتبه بلغة عميلك ومن أسئلته، وبنظبطه مع زاوية الإعلان.
عندك متجر بيبيع وعايز يكبر؟
نبص سوا على أرقامك ونقولك فين الفلوس بتضيع وفين أقرب فرصة نمو — بتقرير تقدر تنفّذه بنفسك.
أو كلّمنا على طول: 0100 702 4701