Moon Fitالكويت · Shopify
متجر شاي ومكمّلات في الكويت — بناء كامل بالعربي والإنجليزي مع تعدد العملات، وربط بحملات Meta.
انشاء متجر إلكتروني في مصر — الخطوات والتكلفة الحقيقية
عشان تعمل متجر إلكتروني في مصر محتاج 5 حاجات: منصة (أغلب البراندات اللي بتكبر بتختار Shopify)، بوابة دفع مصرية زي Paymob أو Kashier جنب الدفع عند الاستلام، شركة شحن، دومين، وصفحة منتج متبنية عشان تبيع. اشتراك Shopify الأساسي بيبدأ من 29 دولار في الشهر لو دفعت سنوي (39 لو شهري)، والباقي تكلفة الثيم والتطبيقات والتصميم. صدوق بتبني المتجر كامل وتربطه بالدفع والشحن والإعلانات.
هل Shopify شغال في مصر؟
أيوه. Shopify شغال في مصر وفيه براندات مصرية كتير بتبيع عليه بالجنيه. الحاجة الوحيدة اللي مش متاحة هي Shopify Payments (بوابة الدفع بتاعة Shopify نفسها)، فالدفع الأونلاين بيتم عن طريق بوابة مصرية.
Paymob و Kashier الاتنين ليهم تطبيق رسمي على Shopify — بيقبلوا الكروت والمحافظ الإلكترونية. وأغلب الأوردرات في مصر لسه دفع عند الاستلام، وده بيتفعّل من إعدادات المتجر من غير أي تطبيق.
خطوات انشاء متجر إلكتروني في مصر بالترتيب
- 1. المنتج والأرقام قبل المنصة: سعر البيع، تكلفة المنتج، تكلفة الشحن، ونسبة التسليم المتوقعة. لو الهامش مش مستحمل الإعلان، المتجر مش هيصلّح ده.
- 2. المنصة: Shopify لو بتبني براند هيكبر، ومنصة محلية لو منتج واحد بفورم أوردر. المقارنة كاملة في شوبيفاي ولا ايزي أوردرز ولا ووردبريس.
- 3. الدومين والهوية: دومين باسم البراند، لوجو، وألوان ثابتة — مش لازم براندينج كامل في الأول.
- 4. الثيم والصفحات: صفحة المنتج أهم صفحة في المتجر، والهوم بعدها. التعريب و RTL لازم يتظبطوا من الأول.
- 5. الدفع والشحن: دفع عند الاستلام + بوابة أونلاين (Paymob أو Kashier) + شركة شحن بتغطي المحافظات اللي هتبيع فيها.
- 6. التراكينج قبل أول إعلان: Pixel و Conversions API مظبوطين، عشان أول جنيه في الإعلان يتقاس صح.
تكلفة انشاء متجر إلكتروني في مصر — إنت بتدفع على إيه
- اشتراك المنصة: Shopify Basic بـ 29 دولار في الشهر لو سنوي، و 39 لو شهري. الباقات الأعلى لما المبيعات تكبر.
- الثيم: فيه ثيمات مجانية كويسة زي Dawn، وفيه ثيمات مدفوعة بدفعة واحدة. الثيم الغالي مش بيبيع لوحده — الهيكلة هي اللي بتبيع.
- التطبيقات: ريفيوهات، فورم أوردر، أوفرز وباندلز. أغلبها اشتراك شهري، فاختار اللي محتاجه بس.
- بوابة الدفع: نسبة على كل عملية أونلاين بتحددها البوابة. الدفع عند الاستلام مالوش رسوم بوابة، بس ليه تكلفة مرتجعات.
- التصميم والبناء: دي بتفرق حسب عدد المنتجات واللغات، ولو المتجر من الصفر ولا Rebuild. ابعتلنا الفكرة ونرد عليك بالسعر.
3 غلطات بتوقّع المتاجر الجديدة في مصر
الأولى: خطوات كتير بين الإعلان والأوردر. العميل في الـ COD مش محتاج كارت وشيك آوت من 3 صفحات — متجر شيلنا منه الكارت خالص قلّل الأوردرات المفقودة 21.7٪.
التانية: صفحة منتج بتعرض المنتج ومش بترد على أسئلة العميل: هيحل مشكلتي؟ يستاهل سعره؟ لو مجاش كويس هعمل إيه؟
التالتة: إطلاق الإعلانات قبل ما التراكينج يتظبط — فبتصرف وانت مش عارف أنهي إعلان جاب الأوردر.
أسئلة شائعة
هل Shopify شغال في مصر؟
أيوه. تقدر تفتح متجر Shopify في مصر وتبيع بالجنيه. Shopify Payments مش متاح في مصر، فالدفع الأونلاين بيتم عن طريق بوابة مصرية زي Paymob أو Kashier (الاتنين ليهم تطبيق رسمي على Shopify)، والدفع عند الاستلام بيتفعّل من الإعدادات.
تكلفة انشاء متجر إلكتروني في مصر كام؟
فيه تكلفة ثابتة للمنصة: Shopify Basic بـ 29 دولار شهرياً لو سنوي أو 39 لو شهري. وفوقها الثيم (مجاني أو مدفوع مرة واحدة)، التطبيقات، نسبة بوابة الدفع على العمليات الأونلاين، وتكلفة التصميم والبناء اللي بتتحدد حسب المطلوب.
ينفع أعمل متجر إلكتروني مجاني؟
تقدر تبدأ بفترة تجربة على Shopify أو بمنصة مجانية، بس المتجر اللي هيتصرف عليه إعلانات محتاج أساس صح. متجر ببلاش بيحوّل وحش بيخلّي كل أوردر جاي من الإعلان أغلى.
إيه أحسن بوابة دفع لمتجر Shopify في مصر؟
Paymob و Kashier هما الأشهر وليهم تكامل رسمي مع Shopify. الاختيار بيتحدد بالنسبة اللي هياخدوها ووسائل الدفع اللي عميلك بيستخدمها (كروت، محافظ، تقسيط). وجنبهم لازم الدفع عند الاستلام لأنه لسه أغلب الأوردرات في مصر.
بتعملوا المتجر بالعربي؟
أيوه، عربي كامل RTL، أو عربي وإنجليزي مع بعض، وبعملة السوق — ولو بتبيع في الخليج كمان بنعمل متجر بعملات متعددة.
بعد ما المتجر يخلص بتشغّلوا إعلانات؟
لو عايز. تقدر تاخد المتجر لوحده، أو المتجر والإعلانات مع بعض — ودي أقوى لأن اللي بيبني الصفحة هو اللي شايف أرقام الإعلان.
عندك متجر بيبيع وعايز يكبر؟
نبص سوا على أرقامك ونقولك فين الفلوس بتضيع وفين أقرب فرصة نمو — بتقرير تقدر تنفّذه بنفسك.
أو كلّمنا على طول: 0100 702 4701