Moon Fitالكويت · Shopify
متجر شاي ومكمّلات في الكويت — بناء كامل بالعربي والإنجليزي مع تعدد العملات، وربط بحملات Meta.
البراندينج وتصميم الهوية البصرية — الأسعار وإيه اللي داخل فيها
البراندينج في صدوق بيبدأ من 20 ألف جنيه (≈ 400 دولار). الهوية بتتبني لبراند هيبيع أونلاين: لوجو، ألوان، خطوط، وجايدلاين بيوضّح إزاي الهوية تتطبّق على المتجر والسوشيال والإعلانات. السعر بيزيد حسب عدد التطبيقات المطلوبة وحجم البراند. والفرق إن الهوية بتتعمل وفي دماغنا إنها هتتشاف في إعلان على موبايل في ثانيتين، مش بس على كارت بيزنس.
إيه اللي داخل في الهوية البصرية
- اللوجو: النسخة الأساسية ونسخ مختصرة تشتغل صغيرة على الموبايل وفي صورة البروفايل.
- الألوان: باليتة ثابتة بأكوادها، عشان كل تصميم بعد كده يطلع من نفس المكان.
- الخطوط: خطوط عربي وإنجليزي بتتقري كويس في الإعلانات والمتجر.
- الجايدلاين: ملف بيوضّح إزاي الهوية تتطبّق — عشان أي مصمم بعد كده يشتغل عليها صح.
- التطبيق: على المتجر والسوشيال والكرييتف حسب المطلوب.
إيه اللي بيحرّك سعر البراندينج
- عدد التطبيقات: هوية بس، ولا كمان قوالب سوشيال وكرييتف وتصميم المتجر.
- براند جديد من الصفر ولا تطوير هوية موجودة.
- عدد المنتجات والخطوط (Product lines) اللي محتاجة تتمايز جوه نفس البراند.
براندينج لبراند هيبيع أونلاين
أغلب البراندات الجديدة بتصرف على الهوية أكتر من اللازم وتتأخر في البيع. الهوية الكويسة مش لازم تبقى أغلى حاجة — لازم تبقى واضحة، ثابتة، وبتشتغل صغيرة على شاشة الموبايل.
عشان كده بنبني الهوية مع <a href="/services/shopify/">المتجر</a> و<a href="/services/creative-production/">الكرييتف</a> لما يكون ممكن — نفس الفريق، فالهوية بتطلع جاهزة للإعلان من أول يوم.
أسئلة شائعة
أسعار البراندينج في مصر كام؟
في صدوق البراندينج والهوية البصرية بيبدأ من 20 ألف جنيه (≈ 400 دولار)، والسعر النهائي بيتحدد بعدد التطبيقات المطلوبة ولو البراند جديد ولا تطوير لهوية موجودة.
إيه الفرق بين اللوجو والهوية البصرية؟
اللوجو جزء واحد. الهوية البصرية هي اللوجو والألوان والخطوط وطريقة تطبيقهم على كل حاجة — المتجر والسوشيال والإعلانات — عشان البراند يتعرف من غير ما اسمه يبان.
ينفع أعمل لوجو بس؟
ممكن، ابعتلنا المطلوب. بس لو هتبيع أونلاين، لوجو من غير ألوان وخطوط ثابتة بيخلّي كل إعلان شكله مختلف عن اللي قبله.
محتاج براندينج قبل ما أفتح المتجر؟
مش لازم براندينج كامل في الأول — لوجو وألوان ثابتة كفاية عشان تبدأ تبيع. الهوية الكاملة بتستاهل لما المنتج يثبت إن فيه طلب.
بتعملوا البراندينج والمتجر مع بعض؟
أيوه. بناء المتجر بيبدأ من 10–15 ألف جنيه والبراندينج من 20 ألف، ولما يتعملوا مع بعض الهوية بتتبني على المتجر من الأول بدل ما تتركّب عليه بعدين.
عندك متجر بيبيع وعايز يكبر؟
نبص سوا على أرقامك ونقولك فين الفلوس بتضيع وفين أقرب فرصة نمو — بتقرير تقدر تنفّذه بنفسك.
أو كلّمنا على طول: 0100 702 4701